Honger

Dis laat. Ek kan nie slaap nie, want dis te warm en hier is 'n bloedsuiger in die kamer (hy gaan nog letterlik bars soos wat hy aangaan). En nou grom my maag ook nog! Ek is honger... nee... ek is eintlik besonder belustig! Cravings tref my altyd onverhoeds en ek is ongelukkig genoeg om … Lees meer Honger

‘n Nota oor my “stoute strooi”

Strooimeisie het 'n stoute streep in haar. 'n Wilde kant wat soms kop uitsteek. Regte soetsappige EL James-oomblikke (hoewel ek dink Sylvia Day skryf beter). In 'n poging om haarself van totale waansin te red, skryf sy dié dinge uit en plaas sy dit dikwels ongeredigeer op haar blog. Sy wil egter nie haar wilde … Lees meer ‘n Nota oor my “stoute strooi”

Oups

Ek wens vanaand ek kon die tyd terugdraai. 25 jaar terug. Na 'n tyd wat ek - onskuldig-gelukkig met my twee poniesterte en bekkie propvol babbelrigheid - op sy skoot kon gaan klouter waar hy voor die TV op sy Lazyboy sit.  Ek wens ek kon net een keer weer voel hoe hy my veilig … Lees meer Oups

Naamloos

'n Poging tot 'n kortverhaal, geïnspireer deur my nagmerrie van gisteraand. Die  nagmerrie wat my uit die slaap uit hou, omdat ek dit so graag nié wil nie, maar hy wil. Blykbaar. Dit was 'n besonder vinnige proses. Onpersoonlik en koud. Onemosioneel. Onsimpatiek. Prosesmatig. Professioneel. Pynlik vinnig en effektief. 'n Belewenis. Iets wat sy nooit … Lees meer Naamloos

Ironies

Dit tref my vanmiddag soos 'n klip tussen die oë... die laaste paar frases in Jack Parrow  se 'Vraagstuk' (ek weet, ek weet, maar ek luister mos amper enigiets solank dit nie techno is nie)... 'n Vriend het my amper twee jaar gelede aan dié liedjie bekendgestel en dis nogal iets waarna ek kan luister. … Lees meer Ironies

Stilte

Dis vir my die vreemdste gevoel... hierdie stilte in my. Ek weet nie waarom ek so voel nie, en al crave ek om iets te doen en uit te kom, bly hierdie allesoorheersende stilte in my hang. Ek het pas my derde inskrywing waaraan ek net begin skryf het nou maar eerder uitgevee. Dit help nie … Lees meer Stilte

Bitterdroom

Dit het begin by Bitterbessie dagbreek, maar dit het toe nie daar geëindig nie. Droomverlore Droomverdriet Jy kyk verby my Jy sien my nie. Droomverbeelding Droomverbied 'n Ster gesterf Ons het verskiet. Droombevange Droommorbied Ek mag nie meer Ek het jou lief.

Hoe?

Daar het vandag iets gebeur wat my hart vir 'n oomblik laat stilstaan het. Asof 'n emmer met yswater oor my uitgegooi is en ek met een skielike teug gehap het na asem. Dis bevestig... die verskriklike K het sy onwelkome plek tot in 'n vriendin van my se huis ingevreet. Hoe reageer mens op … Lees meer Hoe?

Hoop wat flikker soos Kersliggies

Wat ’n wonderlike naweek... wat gelukkig nog ’n paar uur lank is. Ek het geleer hoe om ’n PVC-plafon in te sit (lam arms; ek is dankbaar die bouer het gesê hy sal nou selfs klaarmaak), ek het vir my leë rooi faas by die werk papierblommetjies uit eierhouertjies gemaak (wat nou nog pipe cleaner-stingeltjies kort … Lees meer Hoop wat flikker soos Kersliggies

Om ’n maag vol te maak… of hoe?

Ek onthou een van die "briewe van lesers" wat ek op ’n stadium in ’n koerant gelees het. Die opskrif was "om ’n maag vol te maak" (lees die brief gerus hier). In ’n neutedop gaan dit oor ’n matriekseun se belewing toe hy ’n arm man gehelp het met kleingeld vir kos. Die laaste stukkie, … Lees meer Om ’n maag vol te maak… of hoe?

“Poeparra” – ’n ongeredigeerde kortverhaal

(Gedagtes oor dinge wat kon wees, maar nie was of is nie - wees gewaarsku!)   Twee glase wyn was dalk te veel op ’n redelik nugter maag. Sy voel lighoofdig en weet sy het ’n fout gemaak om heeldag niks te eet nie, maar wat anders kon sy doen - sy was eenvoudig net … Lees meer “Poeparra” – ’n ongeredigeerde kortverhaal

Kommapunt 10: Probeer nie altyd die beste geweer

Dit is al meer as vyf maande sedert ek my laaste "Kommapunt"-inskrywing hier gemaak het. Al rede waarom ek tot nou toe nie weer iets geskryf het nie, is omdat ek eenvoudig net te deurmekaar was. Die een oomblik gaan dinge goed, en net die volgende gaan dit weer sleg en praat ons van skei. Die … Lees meer Kommapunt 10: Probeer nie altyd die beste geweer

Die probleem met “vergeet”

Is dit moontlik om ooit werklik te vergeet? Het iemand dit al ooit reggekry om 'n gebeurtenis so behoorlik uit hulle gedagtes uit te vee dat dit sommer heeltemal uitgewis is? Onherroeplik weg? Vergewe loop hand aan hand met vergeet. Ek het grootgeword met die gedagte (dalk eerder die ideologie?) dat die twee nie van … Lees meer Die probleem met “vergeet”

Die lekker van aanmaakkoeldrank

Ons almal ken dit, daarvan is ek seker. Groen en rooi en geel en oranje gekleurde aanmaakkoeldrank in helderkleurige papierglasies. Ook bekend as Jannie- of Sannie-verjaar-koeldrank. Ons het daarmee grootgeword, dit gedrink by maats se verjaardagpartytjies, gewens die grootmense wil dit tog maar net 'n klein bietjie sterker maak, dit nietemin geniet en uiteindelik met … Lees meer Die lekker van aanmaakkoeldrank

Swartgalligheid oor ’n leer en limonade

Ek sukkel vandag regtig erg om te fokus. My werk is ietwat agter en my gedagtes bly wegloop na mense en plekke en dinge waar dit allermins tuishoort. En ten spyte van my beste pogings, kry ek nie gevorder nie. Ek mis sekere goed die laaste tyd verskriklik baie. Om net myself te wees en … Lees meer Swartgalligheid oor ’n leer en limonade